Jul2007
సెజ్లపై సమరగానం
ఈ నేలను సెజ్ల పేర అమ్మనిద్దమా?
పరదేశపు కంపెనీలకప్పగిద్దమా?
మన నెత్తురు మన నేలను కాల్వలుగా తడిపేసిన…
నందిగ్రామ్ సింగూర్లను సాగనిద్దమా?
మన భూములు శ్మశానంగా మారనిద్దమా? ||ఈ నేలను||
పాత జమిందార్ల మీద పోరు నడిపి సాధించిన
పోడు నరికి పొదలు కొట్టి మేడిపట్టి దున్నుతున్న
బంగారపు మన భూములు వదులుకుందమా?
నయా జమీన్దార్ల దాడి సాగనిద్దమా? ||ఈ నేలను||
పోర్చుగీసు, ఫ్రెంచి, డచ్చి, ఆంగ్లేయులు వరుసగొచ్చి
ఈ నేలను ముక్కలుగా తలకింతగా పంచుకొనిరి
ఈ దేశపు గత చరితను మరిచిపోదామా?
విదేశాల తొలి కుట్రలు సాగనిద్దమా? ||ఈ నేలను||
ఈస్టిండియా, డచ్చిండియా, ఫ్రెంచిండియా నాటి పేర్లు
హీరో హోండా, సలీమ్కో, ఎన్రానులు నేటి పేర్లు
గత రీతిన చొరబాట్లను అనుమతిద్దమా?
వలస నీతి విస్తరణకు తల ఊపుదుమా? ||ఈ నేలను||
జాహంగీర్ల చుట్టు తిరిగి వ్యాపారపు ఆజ్ఞ పొంది
మెట్టు మెట్లు గెదిగి తుదకి రాజ్యాన్నే ఏలినారు
మరోసారి గత ఎత్తులు పారనిద్దమా?
మన తాతలు తండ్రులోలె మోసపోదమా? ||ఈ నేలను||
మూట ముల్లె బేరగాళ్లు మన రాజుల చెంత చేరి
వ్యాపారపు అనుమతికై నక్కజిత్తులెన్నో జేసె
మరోసారి డ్రామాలను ఆడనిద్దమా?
ఈ కాలపు కొత్తెత్తులు సాగనిద్దమా? ||ఈ నేలను||
పరులనమ్మి గత రాజులు తమ రాజ్యాల్ కోల్పోయిరి
సెజ్లనమ్మి నేటి దొరలు గద్దెలపై తెగబలిసిరి
నయా వలస దేశంగా మారనిద్దమా?
మన రాజ్యం మరో ఇరాక్ అవ్వనిద్దమా? ఈ నేలను
నగ్జల్బరి గడ్డనుండి నందిగ్రామ్ పోరుదాక
ఎర్రజెండ ముసుగులోన రైతన్నల కాల్చిచంపె
ప్రజల చంపు సర్కారును ఏలనిద్దమా?
ఎర్రజెండ ముసుగు చించ కదలకుందుమా? ||ఈ నేలను||
భూమాతను నమ్మినోళ్ళు తల్లి ఒడిని విడువలేరు
లాఠీలతో తూటాలతో భూబంధం తెంచలేరు
మన నేలను కంపెనీలు మింగనిద్దమా?
రైతన్నలు కదమెత్తితే గెలవకుందుమా? ||ఈ నేలను||
సెజ్లంటే అక్షరాల మినీ వలస రాజ్యాలే
కుక్క చింపు విస్తరాకు ఈ దేశపు భవితవ్యం
కూలినాలి జనులందరు లేవకుందురా
దేశభక్తులంత తోడు నడవకుందురా ||ఈ నేలను||
భూమి మనది లేమి మనది కలిసి లేస్తె కలిమి మనది
జయం మనది భవిత మనది తిరగబడితె చరిత మనది
గురుగావుల సమరత్వపు జెండ పట్టరా |
నందిగ్రామ్ అమరత్వం గుండె నింపరా | ||ఈ నేలను||
బలం మనదిరా…. జయం మనదిరా….
భవిత మనదిరా…. చరిత మనదిరా ….
ఈ భూమి మనదిరా…. ఈ తల్లి మనదిరా….
August 7th, 2007 at 9:52 am
sez pai prasad rasina pata eppativaraku vacchina patalakanta chala parinithi chendinadiga undi, pata chadivite sez durmarga samskruti arthamavuthundi rachayitha ku viplava abinandanalu
August 16th, 2007 at 4:08 am
ఏం జబర్-దస్త్ రాసినవన్నా……..
ఈ పాట చదివి తరించాం.
వినే అవకాశముందా?
ఎవరైనా మంచి కంఠమున్నవాళ్ళు పాడదలుచుకుంటే,
Sanchara Bookmart
APHB – HIG – OG – BLOCK No 5
Shop 5/29, Near Sundaraiah park
Bagh lingampally
Ph: 040 – 27679998 (Mr V . Shanker)
వారిని సంప్రదించండి.
నేను, తెలంగాణ సంబురాలప్పుడు వీళ్ళ CDs / Cassettes కొని, అడ్రెసు తీసుకున్నాను.
September 23rd, 2008 at 12:41 pm
కాంగ్రేసాంధ్ర దొరలు, రాయలసేమరెడ్డి దొరలు, తెలుగు దేశపు కమ్మ దొరలు,సీపీఎమ్ చిన్నదొరలు అందరు అందరే. తెలంగాణను ముంచేటోల్లు,తెర్లు తెర్లు చేసినోళ్ళు.
వీళ్ళే తెలంగాణ పాలిటి ఈస్టిండియా , డచ్చిండియా , ఫ్రెంచిండియాలు