Oct2007
నల్లగొర్రె
తలొంచుకుని ముందు నడుస్తున్న
సహచరుణ్ని అనుసరిస్తున్నాయి గొర్రెలన్నీ
తలొంచుకుని నడవడం గొర్రెల అలవాటు కదా
ఓ మందలో ఒక నల్లగొర్రె
తలెత్తుకోవడం నేర్చుకుంది
తుప్పుపట్టిన రీతిరివాజుల్ని ధిక్కరించింది
గొర్రెలన్నీ బెంబేలెత్తిపోయి
తలదించుకొని బతకడం మనజాతి లక్షణమంటూ
నల్లగొర్రె తలదించుకునేదాకా గోల పెట్టాయి
తలదించుకొని గొర్రెలన్నీ సాగిపోతున్నాయి
ఉన్నట్టుండి ముందు గొర్రె ‘బిస్మిల్లా’ అంటూ
ఓ గెట్టు దూకింది
గొర్రెలన్నీ అలాగే అంటూ దూకేశాయి
ఏదో అనుమానమొచ్చిన నల్లగొర్రె
తలెత్తి ముందుకు చూసింది
సహచరులు కనిపించలేదు
కాస్త ముందుకెళ్లి తొంగి చూసింది
గొర్రెలన్నీ ఓ పురాతన బావిలో పడి
గిలగిలా కొట్టుకుంటున్నాయి
నిస్సహాయంగా చూసిన నల్లగొర్రె
పక్కకు తప్పుకొని
కొత్తదారి వేస్తూపోయింది
భవిష్యత్ తరాల కోసం
Click Here
మదు కాకులవరం Oct 3, 2007 1
స్కైబాబ గారు,
మీ పద్యం చాలా బాగుంది. ఈనాడు మన సమాజంలో ప్రతి ఒక్కరు స్వంతగా ఆలోచించి ముందుకు పోవడం చాలా ముక్యం. చదువుకోని వారి కన్న చదువుకున్నవారు మన సమాజంలో కులం, మతం పేరుతో మూర్కంగా ప్రవర్తిస్తారు . మీ పద్యం అందరికి కనువిప్పు కలిగిస్తాదని నాఆశ!
Srinivas Chuthari Oct 14, 2007 2
బావుందండి. మంచి కవితలు ఇలాగే కొనసాగించండి.
పసునూరి రవీందర్ Oct 15, 2007 3
స్వంత మతంలోని చాంధస భావాల్ని విమర్శిస్తు, చక్కని ఫిలాసాపికల్ పోయెమ్ రాసిన కవి స్కైకి అభినందనలు.
Maiilikarjuna Rao D Oct 15, 2007 4
బావుంది.
Vipul Oct 17, 2007 5
ఈకవిత చాలా బాగుంది. చదువుతుంటే ఎక్కడో చదివిన “నల్లచేపపిల్ల కథ” గుర్తుకు వచ్చింది.
ViswaK Oct 17, 2007 6
పిల్లలకు చెప్పే నీతికథలానే ఉంది, కవిత్వం శూన్యం.
ప్రాణహిత » అక్టోబర్ 2007 సంచిక Nov 3, 2007 7
[...] మీ ముందుకు తెస్తున్నాం. స్కైబాబ ‘నల్ల గొర్రె’ కవితలో సంప్రదాయాల్ని ధిక్కరించి [...]
ప్రాణహిత » అక్టోబర్ 2007 సూచిక Nov 3, 2007 8
[...] కవిత: నల్లగొర్రె – స్కైబాబ * కవిత: గుప్పిట్లో భూగోళం – [...]