Mar2008
జ్ఞాపకాల ఖజాన
ఏ దిక్కు లేని ఒంటరి ముసల్ది- సందుక
విసిరేసినట్టో…
పారేసినట్టో…
ఇంట్లో ఓ మూలన
అలిగిన పిల్లిలా నిద్రపోతున్నది.
సందుకంటే ఇంటి జ్ఞాపకాల ఖజాన!
కాలం కడుపులో జరిగిన
తతంగాలన్నింటిని
నిశ్శబ్దంగా మోస్తున్న నిండుగర్భిని.
* * *
సందుకలో ఏమున్నాయని…
నాన్న జీవిత కాలపు నిరుద్యోగానికి
గుర్తుగా మిగిలిన ఎంప్లాయిమెంట్ కార్డ్,
ఆకలి ముఖంతో దిగిన
అమ్మ పెండ్లి నాటి ఫొటో,
ఆ సభయో, ఈ సభయో తెలిపే
చిత్తు, చిత్తు గా నలిగిన ఎర్రకరపత్రాలు,
పేదింటి అన్నా చెల్లెల్ల అనుబంధానికి
సంతకంలా పెరిగిన పాత రాఖీలు
ఒకటేమిటి…
చరిత్రనంత తలపోస్తున్న
పేదరాసి పెద్దమ్మ- సందుక.
* * *
దాన్ని తెరిచే వరకే
అదొక ప్రశాంత సముద్రం.
దాన్ని తెరిస్తే
నిండుగా రెక్కలు విప్పిన తుఫాను.
కరిగిపోయిన కలలకు
కన్నీటి ధారలకు
సాక్ష్యంగా మిగిలిన బతుకు చిత్రం- సందుక.
బతికి చెడ్డ తనాన్నో,
చెడి బతికిన తనాన్నో తెలిపే
సందుక లాంటి మనిషి కావాలిప్పుడు.
(సందుకంటే తెలంగాణ లో ఒక ఇనుప పెట్టె)
Click Here
krishna Mar 15, 2008 1
మీ కవిత బగుంది .. కాని … సందుకలొ చెదు జ్ఞాపకాలు చెప్పె కమ్మని తీపి జ్ఞాపకాలు మరిచారు ……………………….. we need a sweet memories tooooooooooooo……
vemuganti Mar 16, 2008 2
nee poem bagunnadi thanks for sending this poem to pranahita
venkatesh Mar 17, 2008 3
కవిత బాగుంది.
pradyumna Mar 25, 2008 4
ఈ మధ్యే నారాయణస్వామి సందుక ప్రచురించారు. మళ్ళీ అదే విషయాన్ని ఎన్నుకొన్నప్పుడు ఇంకాస్త డిఫరెంట్ గా రాయాల్సింది. నాకైతే పెద్దగా నచ్చలేదు.
Sowmya Mar 28, 2008 5
“దాన్ని తెరిచే వరకే
అదొక ప్రశాంత సముద్రం.
దాన్ని తెరిస్తే
నిండుగా రెక్కలు విప్పిన తుఫాను.”
- ఈ లైన్లు చాలా నచ్చాయి నాకు….
gogu shyamala Apr 2, 2008 6
Gnapakala kajana chala bagundi.
inkenni gnapakaluunnayoo chushanu.
okko gnapakam gurinchi mundu mundu chaduvalani adiri chustanu.
koresh Apr 10, 2008 7
కొంచ0 పెస్సిమిస్తిక గా ఉంది
ప్రాణహిత » మార్చ్ 2008 : సంపాదకీయం Apr 10, 2008 8
[...] ‘స్మృతి గీతం’, పసునూరి రవీందర్ ‘జ్ఞాపకాల ఖజాన’, తైదల అంజయ్య ‘వెదురువిల్లు’, కోసూరి [...]
సాయిసాహితి Jun 25, 2008 9
సందుక ని personify చేసిన కవిత చాలా బాగుంది. సందుక పాత దే కావచ్చు కాని దాని కి కొన్ని మధురానుభూతులుండచ్చు..కొన్ని images చాలా బాగున్నాయి. ఉదా: పాతరాఖీలు, నిండు గర్భిణి ఇలా…