Feb2009
కాటగలిసిన పదాలు
మట్టిలాడచ్చు పెండను తొక్కితే తొక్కచ్చు
ఇసుక వాగుల ఎడారి ఓడల్లా పరుగులు పెట్టవచ్చు
అల్లరి చిల్లరగనే తిరగచ్చు కావచ్చుగాక
నిజానికి ఎప్పుడు చూడబోయినం
పాదాల ఎత్తు వంపుల వేళ్ళ చివరల
గోళ్ళ అందాలను గోళ్ల నెలపొడుపులను
తెలుగు పాదాలకు
ప్రపంచం తన అడుగుజాడల నడుస్తున్నదని
ప్రపంచ నాగరికతను వేరు వ్యవస్థా వెన్నముకా తనేనని
నడకలు నదులై సాగుతున్నై
నిలిచిన చోటల్లా రెండు చెట్లై పుష్పిస్తున్నై
ఎర్రటెండల్ల బొబ్బలెక్కి పోట్రవుతులకు రక్తం చిమ్మి
ముల్లు గుండెకు దిగి అమ్మ అన్నది పదం
ఓదార్చ లేకపోయినం వేల ఏళ్ళ ప్రస్థానంలో
ఒక్క నిర్వచనమన్నా తొడగలేకపోయనం
పచ్చగడ్డికి తెలుసు అలుగులుందుకే చెరువుకు తెలుసు
పొలాలకు తెలుసు పోరుబాటకూ తెలుసు
పాదాల నెట్లెత్తుకోవాలో
వినగలిగితే గొప్ప శబ్దతంత్రి
పాడగలిగితే ఎంతకు ఒడువనిపాట
మనిషికి తెరిచిన పుస్తకాల పాదలను చదువలేకపోయాను
అడుగును దీసి అడుగు అవి ఎవరివి?
అది ఏ చరిత్ర?
కాటగలిసిన పాదయాత్రలెక్కడ?
ఆకలి బాట పొతమైందెక్కడ?
రెండడుగుల నడుమ దూరాన్ని కొలువలేకపోయినం
జీవితాన్ని మోసుకు తిరిగింది కదా!
ఆ సోయన్నా ఉందా?
నువ్వు ఒప్పుకుంటవు
పాదాలకు బాగానే బాకీపడ్డమని
March 1st, 2009 at 10:27 pm
[...] కాటగలిసిన పదాలు [...]