కాని, కథలో సంజీవ్ జీవితం పతనం కావటానికి కారణం అతని భార్య కల్యాణి ప్రవర్తన అన్నట్లు చిత్రించారు రేణుక గారు. మద్యపానం ముఖ్య కారణం అనిపించదు కథ చదువుతున్నప్పుడు.

ఈ కథ మొదట సంజీవ్ ని చూసిన వ్యక్తి దృక్పథంలో ఉంది. తర్వాత సంజీవ్ గురించి రాస్తూ అతడు “అట్టపెట్టల మీద బొర్లాపడుకుని కుళ్ళి కుళ్ళి ఏడ్చాడు” అని రాశారు. అంటే ఇది కథకుడి దృక్పథం నుంచి చెప్పిన విషయం. ఆ తర్వాత కథ సంజీవ్ దృక్పథానికి మారుతుంది. అతను చనిపోయింతర్వాత మళ్ళా మొదట సంజీవ్ ని చూసిన వ్యక్తి దృక్పథానికి మారుతుంది. ఇలాంటి మార్పులు చెయ్యటం వల్ల కథలో ఫోకస్ లేకుండా పోతుంది.