ప్రాణహిత

నిన్నటి అనుభూతులను పాతర తీసి పాతిపెట్టు
మళ్లీ మొలకెత్తకుండా అరచేతులతో అదిమిపట్టు
మరుపు నిన్నావరించనీ
పాతజ్ఞాపకాలేవో గుర్తుకొచ్చి
నీ కాళ్లకు అడ్డంపడొచ్చు
ప్రేమ చొరబడని కవచమేదో
గుండెనిండా కప్పుకో
వలపు తెమ్మర తాకి నీవులిక్కిపడొచ్చు
అనవసర ద్వేషంతోనైనా సరే
నువ్వెప్పుడూ రగిలిపోతుండాలి
మనసెప్పుడన్నా  వెనక్కి తిరిగి గింజుకోవచ్చు
నీవు నడిచే దారి నీకు నచ్చాలంటే
చూపులెప్పుడు అంబరానికే అంటుకోనివ్వు
దుమ్ముకమ్ముకుంటున్నమర్మమేమిటో  నీమతినికెలకవచ్చు

నీ ఆలోచనలు ఎటు పరుగెడితే
నీఅస్థిత్వాన్ని అటే పరుగెత్తనివ్వు
వెనక్కితిరిగి చూడకు
నీ సహచరుడెప్పుడూ  నీ వెనకే వుండి నీకు అశాంతినిస్తాడు…