ప్రాణహిత

అంగీకరించనూలేక
నిరాకరించనూలేక
ఎంతయాతన పడ్డావు

ఇష్టాలకు నిష్టాలకు మధ్య
ఎంత అతలాకుతలమయ్యావు

సందిగ్ధాల మధ్య
నువ్వు  ఒకసంక్షుభిత మనస్వినివై
“నువ్వు చాలా చాలా ఇబ్బంది పెడుతున్నావు” అంటూ
గుంజాటనతో  ఎంత పెనుగులాడవు
పెనవేసుకున్న వేళ్లనునొక్కిపట్టి
భుజంమీద తలవాల్చి నువ్వు చూసి బేలచూపుల స్పర్శ
చీకట్లో కూడా నన్నుతాకి నన్నెంత కలవరపెట్టిందో..
నిషేధిత అనుబంధం ఒకవైపు
అనిష్టబంధం మరోకవైపు
తిరుగలి రాళ్లమధ్య గింజలా ఎంత నలిగిపోయావు
నన్ను కాదనడానికి
నువ్వెంత కష్టపడ్డావు