Nov2009
మనిషి అతని చిరునామా
జీవితమై ప్రవహించడమే అతనికి కవిత్వం
సమానత్వం దిశగా విస్తరించే
మనిషి అతని చిరునామా
కాయకష్టం చేసే మూకంతా బంధుగణం!
విలోమ విలువల మీద విరుచుకు పడటమే అతడు_
విప్పి చెప్పిన విశేష శిల్ప రహస్యం
పుడమిలో తలెత్తే తిరుగుబాటు లావా_
తీవ్రతను కొలిచే భారమితి అతడు
సామాన్యులాత్మీయంగా ఆవిష్కరించుకున్న
కవితా బావుటా అతడు!
మహామహుల రచనలెన్నింటినో ఔపోసనపట్టి
ప్రగతిశీల – ప్రజాకవుల నిబద్ధతతోనే నిలిచి
కొత్తకాలంతోనే ఎల్లప్పుడూ కరచాలనం చేసిన
లక్ష్య – లక్ష్యం నిర్దేశకుడు
అజేయ విప్లవోన్ముఖ పధగామి
విన్నూత్న ఒరవడుల నిర్మాణదక్షుడు
అమేయ – అక్షయ – అక్షర స్వామి!
స్వప్నాలను కళ్ళ మీదకి వెదజల్లేవాడు మాత్రమే
కవికాడని-
ఒడుపుగా కర్తవ్యాలను అల్లేవాడేనని -
నిరూపించిన సాహసి
కష్టజీవికి ఇరువైపులా నిలవాలన్న తాత్వికతా సత్యాన్ని
కనికరంతో మన జీవనాడుల్లోకి ప్రసరింపజేసిన
ఉరవడికాడు-
సామాన్యులరెక్కలకందిన పవి ఆతడు!
February 6th, 2010 at 2:10 pm
[...] మనిషి అతని చిరునామా : వేణు సంకోజు [...]
October 23rd, 2010 at 5:51 am
“జీవితమై ప్రవహించడమే అతనికి కవిత్వం”
ఈ వాక్యం చాలా బాగుంది..అభినందనలు..
ramuhttp://mailhide.recaptcha.net/d?k=01mz8eeSL7aMI92FFdVmiRKg==&c=8y88lH-5cX4TTBasXiVBhTJk-zmmUmSJ26ZWUSYFBpo=', ”, ‘toolbar=0,scrollbars=0,location=0,statusbar=0,menubar=0,resizable=0,width=500,height=300′); return false;” title=”Reveal this e-mail address”>…@yahoo.in