Feb2010
నీ దారెప్పుడూ ఇంతే…
మర్రి చెట్టు ఊడల్లా నువ్వూ నేను అల్లుకుంటూ పోతామా
నీడల్ని పరుచుకుంటూ గలగలలు లేకుండా ప్రవహిస్తామా
ఐనా- చిరిగిన పేజీని ఇష్టంగా చదివించి ముగింపు తెలియకుండా తెలియనితనం లోకి నెట్టివేసినట్లు
సంగమం తరువాత ఎడారి మొక్కను చేస్తావు !
నీ దారెప్పుడూ ఇంతే – విందు పంక్తిలో చివరి విస్తరిలా…
బండికింద కుక్కపిల్లల్లా తోకలూపుకుంటూ
వెనక కాళ్లతో ప్రపంచాన్ని తన్నుకుంటూ వెళ్లిపోతుంటామా
దించిన తల ఎత్తకుండా గుండెమీద శిశిర సంధ్యలను మోస్తూ ఉంటామా
ఐనా- పుస్తకంలోని అక్షరాలు ఒలికిపోకుండా జాగ్రత్త పడలేని అమాయకత్వాన్ని
గానుగలో నలిగే విత్తనాన్ని చేస్తావు!
నీదారెప్పుడూ ఇంతే – ఇరుసు లేని బండి చక్రాల్లా…
ఖాళీ గిన్నెలోకి ఎన్ని దుఃఖాలను వొంపినా
కాళ్ళ కింద నలిగే చీకటిని కళ్లకింద కాటుకలా దిద్దుకుంటూ
నిద్రపోతున్న మనసును మేల్కోలుపుతావు,
చెట్టుకొమ్మకు లాంతరులా వేలాడ దీసి
భిన్న ధృవాల గాలులతో తడుపుతావు
ఐనా – ‘పర్యావరణ పుస్తకం ‘ మీద పేరుకున్న దుమ్ముపొరల్లో నిద్రించే సోమరితనాన్ని
కాడికింది ఎద్దును చేస్తావు !
నీ దారెప్పుడూ ఇంతే – ప్రవహించే ఏటిలో పలకరింపులేని రాయిలా…
సరే -
దారుల మీద వేయి చావులతో ఒక్క జీవితమని రాజీపడతాను
ఒక్క జీవితంలో అనేక ప్రపంచాలను ఆవిష్కరిస్తాను
ఐనా – మన ప్రపంచంలో గాయపడేది నీ జీవితమైనా నెత్తురోడేది నేనే
నెత్తుటి బీజమై మొలకెత్తేది నేనే
Click Here
satyadarshana Feb 7, 2010 1
can you ever see seeds of tommato, bittergourd, red chillies, or watermelon. (etc.)- as a poet ? . take them into your hands observe them like a child.
seeds ! they are looking at you as a poor farmer looking at them.
with many hopes.
spread them like a farmer, land never fails.
be cause of life we were here. take it easy.
janavaasi Feb 9, 2010 2
మీ సత్తెకాలపు సత్య దర్షనాలతొ మా కెవరికీ అవసరము లెదు…….తమరిక….
satyadarshana Feb 9, 2010 3
రొంబ thanks!