Apr2010
ఈ దశాబ్ది కవితా సంకలనం కోసం కవితలకై ఆహ్వానం
సారంగ బుక్స్
ఉత్తమ సాహిత్య ప్రచురణ సంస్థ
—————————————————————-
ఒక దశాబ్ది కవిత – కవితా సంకలనం 2000-2009
మంచి సాహిత్యాన్ని అచ్చులోకి, అందుబాటులోకి తీసుకురావాలన్న సంకల్పానికి రూపం “సారంగ బుక్స్”. మా మొదటి ప్రచురణ 2000 నుంచి 2009 వరకీ వచ్చిన మంచి కవితల సంకలనం. ఈ సంకలనం జూలై మొదటి వారంలో వెలువడుతుంది.
రెండో మిలీనియం తెలుగు కవిత్వంలో కొత్త చేతనకి తలుపులు తీసింది. ఒక వైపు ప్రపంచీకరణ ప్రభావం సృజనాత్మకతని మింగేస్తున్న కాలంలోనే, మరో వైపు కొత్త అభివ్యక్తి గొంతు సవరించుకుంటోంది. ఈ మార్పుని ప్రతిఫలించే ఒక కవితా సంకలనం వెలువరించాలని మా సంకల్పం. ఈ సంకలనంలో 2000 నించీ 2009 వరకూ వివిధ రూపాల్లో – అంటే లిఖిత పత్రికల్లో గానీ, విడి సంకలనాల్లో గానీ, ఇంటర్నెట్లో గానీ – వెలువడిన కవితల్ని మేము ఆహ్వానిస్తున్నాం. ఒక్కొక్క కవి నించి మూడు అత్యుత్తమ కవితల్ని ఆహ్వానిస్తున్నాం. ఈ సంకలనానికి మీరు మీ కవితలతో పాటు మీకు నచ్చిన ఇతరుల కవితల్ని కూడా సూచించవచ్చు. మే ఒకటవ తేదీకల్లా కవితలు పంపండి.
మీ కవితలు ఈమెయిల్ ద్వారా afsa...@gmail.com కి పంపండి. మీరు ఈ కవితా సంకలనం కోసం పంపే ఈమెయిల్స్ లేదా ఉత్తరాల మీద “సారంగ బుక్స్” కోసం అని రాయండి.
సాధారణ తపాలా ద్వారా పంపే వారు:
వంశీ కృష్ణ
కేరాఫ్: లక్ష్మీ గణపతి ప్రింటింగ్ ప్రెస్
మండల్ ఆఫీస్ కాంప్లెక్స్, గంపలగూడెం – 521 403
కృష్ణా జిల్లా – (సెల్ నంబరు: 9491959062)- కి పంప వచ్చు.
——————————————————————————————–
అభిప్రాయాలు లేవు »సాహిత్య ప్రకటనలు